featured photo: Darpanpost

लुम्बिनी मंसिर १८ । भगवान बुद्धको जन्मस्थल लुम्बिनीमा चौथो एसियाली बौद्ध सांस्कृतिक महोत्सव हुने भएको छ । नेपाल र चीन बीचको पारस्परिक सम्बन्धलाई थप सुमधुर बनाउदै, सांस्कृतिक सुदृढीकरण गरेर लुम्बिनीलाई विश्वभर प्रवद्र्धन गर्ने उद्देश्यले लुम्बिनी विकास कोष, सारिपुत्र फाउण्डेसन,चाइना कल्चर प्रमोशन सोसाइटी, वल्ड एलायन्स फर बुद्धिस्ट कल्चरल एक्सचेन्ज लिमिटेड, युङ्जाउ सुलेख, चित्रकला एकेडेमी र चोङ्क्यियुङ हायुन सांस्कृतिक शिक्षा प्रतिष्ठानको संयुक्त आयोजनामा आगामी बैशाख १२ देखि १४ सम्म सांस्कृतिक महोत्सव आयोजना हुन लागेको लुम्बिनी विकास कोषका कार्यकारी सदस्य श्याम रोक्काले जानकारी दिए ।

तीन दिन सम्म चल्ने कार्यक्रममा संसारभरका सय भन्दा वढी राष्ट्रका बौद्ध बौद्ध विद्धान, धर्म गुरुहरु र बौद्ध मार्गीहरुको सहभागीता रहने जनाइएको छ । कार्यक्रममा बौद्ध दर्शनको महत्व ईतिहास र लुम्बिनीको वृहत्तर विकासको बारेमा छलफल गरिने आयोजकले बताएको छ । सम्मेलनले भगवान बुद्धको जन्मस्थल लुम्बिनीको महत्वको बारेमा थप प्रचार प्रसार गर्न मद्दत पुर्याउने विश्वास लिइएको छ ।