featured photo: Darpanpost

रुपन्देहीको शुद्धोधन गाउँपालिका ४ फर्साटिकर अवस्थित फर्साटिकर युवा क्लबको आयोजनामा १२ औं संस्करणको शुद्धोधन गाउँपालिका फर्साटिकर कप २०८१ सुरु भएको छ ।शनिबार शुद्धोधन गाउँपालिका अध्यक्ष विष्णुप्रसाद बस्यालले खेलाडीलाई बल हस्तान्तरण गरेर उद्घाटन गर्नुभयो ।उद्घाटन खेलमा सम्पुर्ण युवा क्लब सुपौलीलाई पराजित गर्दै भैरव युवा क्लब नवलपरासी  विजयी भएको छ।भैरवले सम्पुर्णलाई ६ -१ ले पराजित गर्दै जित हासिल गरेको हो।
भने भैरवका हरि बुढा मगरले  पहिलो हापको ८ औं मिनेटमा १ गोल ,१६ मिनेटमा सुरज आलेले १ गोल र मनिश थारुले २४ मिनेटमा १ गोल गरे । दोस्रो हापको १६ ,३३ र ३७ मिनेटमा सुरज आलेले १/१ गोल गर्दै टिमलाई विजय गराउन सफल भएको थियो।सम्पुर्णका दोस्रो हापको १८ मिनेटमा सनम गुरुङ १ गोल गरेपनि जितका लागि पर्याप्त हुन सकेन। भैरव फुटबल क्लबका सुरज आले म्यान अफ द म्याच घोषित भए ।
कार्यक्रम फर्साटिकर युवा क्लबका अध्यक्ष मुकेश कुवरको अध्यक्षतामा र  शुद्धोधन गाउँपालिका अध्यक्ष विष्णुप्रसाद बस्यालको प्रमुख आतिथ्यता क्लब संरक्षक चक्रबहादुर कुँवर, शुद्धोधन गाउँपालिका वडा नं. ४ का अध्यक्ष केशब अधिकारी ,क्लब पुर्व अध्यक्ष दामोदर पङ्गेनी लगायतको आतिथ्यता तथा  क्लब उपाध्यक्ष अर्जुन थापा क्षेत्रीको स्वागत तथा विष्णु पङ्गेनीको  सञ्चालनमा सम्पन्न भएको थियो ।सो प्रतियोगितामा
रुपन्देही, नवलपरासी, नवलपुर, पाल्पा र भारतका गरी कुल १२ टोलीहरु सहभागि हुने प्रतियोगिताको फाइनल खेल माघ २ गतेका दिन हुनेछ।र प्रतियोगिताको विजेताले उपाधिसहित नगद ३ लाख ५ रुपैया सहित ट्रफी, मेडल र प्रमाणपत्र हात पार्नेछ भने उपविजेताले १ लाख ५० हजार ५ रुपैयाँ सहित ट्रफी, मेडल र प्रमाणपत्र प्राप्त गर्ने खेल संयोजक अकरम अलीले जानकारी दिए । त्यस्तै विधागततर्फ पनि आकर्षक पुरस्कारको व्यवस्था गरिएको खेल संयोजक अलीले बताउनुभयो ।आइतबार झरना स्पोर्ट्स कुञ्जलापुर र शुद्धोधन  खेलकुद विकास समितीविच खेल हुनेछ ।