featured photo: Darpanpost

तिलोत्तमा।मिलन सामुदायिक बन देवदह तिलोत्तमाको १६औं साधारण सभा सम्पन्न भएको छ । समुहका अध्यक्ष तेज बहादुर कुँवर क्षेत्रीको अध्यक्षतामा आईतवार देवदह ९ मा सम्पन्न साधारण सभामा लुम्बिनी प्रदेश बन तथा बातावरण मन्त्री देवकरण कलवारले वन पैदावार तथा नदीजन्य पदार्थ सहज तरिकाले उपभोग गर्न पाउने निति निर्माण गर्न लागेको बताउनु भयो । कार्यक्रमका प्रमुख अतिथी समेत रहनु भएका मन्त्री कलवारले मुख्यमन्त्री तथा सचिवहरुको संयूक्त बैठक भैसकेकोले अव प्रतिवेदन अनुुसार स्थानियले सहज तरिकाले उपभोग गर्न मिल्ने कानुन बनाईने जानकारी दिनु भयो । मन्त्री कलवारले जस्को जोत उस्को पोत अनुसार सुकुम्बासीलाई लालपुर्जा वितरण गर्नुपर्ने जिकिर गर्नु भयो । सोही कार्यक्रमलाई सम्बोधन गर्दै डिभिजनल बन रुपन्देही प्रमुख प्रविण विडारीले शिक्षा, स्वास्थ्य, खानेपानी जस्ता समुदायको आधारभुत विकासमा सामुदायिक बनको योगदान अमुल्य रहेको भन्दै बन जोगाउन सवै एकजुट हुनु पर्ने धारणा राख्नु भयो । उक्त कार्यक्रममा देवदह नगरपालिकाका पूर्व नगर प्रमुख हिरा बहादुर खत्रीले एक पटकका लागि बन ऐन नियमलाई सहज बनाई सुकुम्बासी तथा भुमिहिनलाई लालपुर्जा वितरण गर्नु पर्ने धारण राख्नु भयो ।कार्यक्रममा समुहका अध्यक्ष तेज बहादुर कुँवर क्षेत्रीले बार्षिक प्रतिवेदन तथा कोषाध्यक्ष चोलाकान्त पराजुलीले आर्थिक प्रतिवेदन वाचन गर्नु भएको थियो । संमुहका बरिष्ठ उपाध्यक्ष केशविर दर्लामीको स्वागत तथा उपाध्यक्ष दिलिप पुनको संचालनमा भएको कार्यक्रममा सामुदायिक बन महासंघ रुपन्देहीकी अध्यक्ष श्यामकला आचार्य, गाँउ बन समन्वय संजाल रुपन्देहीका अध्यक्ष खेम नारायण अधिकारी, लगायतले मन्तब्य ब्याक्त गर्नु भएको थियो ।