परासी । नेपाल किसान महासंघ नवलपरासी (बर्दघाट सुस्ता पश्चिम) को चौथो जिल्ला अधिवेशन भव्य रूपमा सम्पन्न भएको छ। अधिवेशनमा विश्वनाथ यादवको अध्यक्षतामा २१जनाको जिल्ला कार्यसमिति तथा महाधिवेशन प्रतिनिधि र प्रदेश महाधिवेशन प्रतिनिधि सर्बसहमत रुपमा चयन भए सँगै विभिन्न निर्णयहरू पारित भएका छन् ।
कार्यक्रमको उद्घाटन प्रमुख अतिथि पूर्व गृहराज्यमन्त्री तथा नेपाली कांग्रेसका केन्द्रीय सदस्य देवेन्द्र राज कडेलले गर्नु भएको थियो भने नेपाल किसान महासंघका जिल्ला अध्यक्षता विश्वनाथ यादवको रहेको थियो । अधिवेशनमा जिल्लाका विभिन्न समाजसेवी, राजनीतिक व्यक्तित्व तथा महासंघका सदस्यहरूको सहभागिता रहेको थियो ।
आर्थिक गतिविधि पारदर्शी बनाउन सम्पूर्ण विवरण सार्वजनिक गरियो। सामाजिक तथा आर्थिक गतिविधिहरूलाई थप प्रभावकारी बनाइने निर्णय गरियो। किसानहरूको हकहितका लागि विशेष कार्यक्रम सञ्चालन गरिने प्रतिबद्धता व्यक्त गरियो । महाधिवेशन समिति तथा प्रतिनिधिहरूबीच समन्वय बढाइनेछ।
कार्यक्रममा लुम्बिनी प्रदेश सभा सदस्य तथा वन तथा वातावरण मन्त्री देवकरण कलवार, लुम्विनी प्रदेश सभा सदस्य बैजनाथ जैसवाल, सुकुम्बासी समस्या समाधान आयोग जिल्ला अध्यक्ष लाल बहादुर गुरुङ्ग, नेपाल टेड यूनियन जिल्ला अध्यक्ष ज्ञानहरि अर्याल, नेपाल पसु स्वास्थ्य प्रविधिक सघंका जिल्ला अध्यक्ष दुर्गा प्रसाद भुषाल लगायत विभिन्न क्षेत्रीय प्रतिनिधिहरू, नगर तथा गाउँपालिकाका अध्यक्षहरू तथा नेपाल विद्यार्थी संघका प्रतिनिधिहरूको उपस्थिति रहेको थियो।
यस अधिवेशनले किसान महासंघको भावी रणनीति तय गर्ने विश्वास लिइएको छ। नेतृत्वले किसानहरूको हक अधिकार सुनिश्चित गर्न ठोस कदम चाल्ने प्रतिबद्धता व्यक्त गरेको छ।
