नवलपरासी । लम्की बहुमुखी क्याम्पसमा स्वतन्त्र रूपमा विद्यार्थी हकहितका मुद्दा उठाउँदै आएका विद्यार्थी नेतामाथि योजनाबद्ध आक्रमण भएको छ। क्याम्पसका सभापति पदका उम्मेदवार बैकुण्ठ बजगाई माथि अज्ञात समूहले आक्रमण गरी गम्भीर घाइते बनाएको छ।
विगत चार वर्षदेखि क्याम्पसभित्र भइरहेको भ्रष्टाचार विरोधी अभियानमा सक्रिय रहेका बजगाईलाई बाह्य तत्वहरूको प्रयोग गरी हमला गरिएको हो । स्वतन्त्र विद्यार्थीलाई जबरजस्ती संगठनमा आबद्ध गराउने, उनीहरूलाई राजनीतिक स्वार्थका लागि मात्र मतदाताको रूपमा प्रयोग गर्ने, तथा क्याम्पसभित्रको भ्रष्टाचार ढाकछोप गर्ने नियतले केही समूहहरूले यस्तो षड्यन्त्र रचेको आशंका गरिएको छ।
प्रत्यक्षदर्शीहरूका अनुसार, विपक्षी दलहरु सग सम्बन्धीत आठ जना अज्ञात समूहले क्याम्पस परिसरमै बैकुण्ड बजगाईमाथि कटपिट गरेका हुन । सोही समयमा नेपाली राष्ट्रिय विद्यार्थी संगठन (रा.प्र.वि.सं.) क्याम्पस भित्रको भ्रष्टाचारबारे पत्रकार सम्मेलनको तयारी गरिरहेको थियो।
बैकुण्ठ बजगाईको अवस्था गम्भीर रहेको बताइएको छ भने घटनाबारे स्थानीय प्रशासनले अनुसन्धान अघि बढाइसकेको छ। विद्यार्थी संगठनहरूले दोषीलाई चाँडोभन्दा चाँडो कारबाही गर्न माग गर्दै क्याम्पसभित्र आन्दोलनको चेतावनी दिएका छन्।
त्रिभुवन विश्वविद्यालय अन्तर्गत विभिन्न क्याम्पसहरूमा आगामी चैत्र ५ गते हुने स्वतन्त्र विद्यार्थी युनियन (स्ववियु) निर्वाचनलाई लिएर विद्यार्थी संगठनहरू आ-आफ्नो रणनीतिमा जुटिरहेका थिए ।
