रुपन्देही । रुपन्देहीको सैनामैनामा रहेको सहिद नारायण पोखरेल रामापुर क्याम्पसमा भएको स्वतन्त्र विद्यार्थी यनिुयन (स्ववियू) निर्वाचनमा अनेरास्ववियु र क्रान्तिकारीको संयुक्त प्यानल विजयी भएको छ ।
निर्वाचन अधिकृत दिनेश पन्थीका अनुसार अखिल संयुक्त प्यानलका उम्मेदवार विज्ञान पाण्डेले ३१ सय ३ मत प्राप्त गरेर निर्वाचित हुंदा उनका प्रतिद्धोन्दी नेपाल विद्यार्थी संघ (नेबिसंघ) का मौसम थापा मगरले २ सय ५२ मत प्राप्त गरेका छन् । यस्तै स्वतन्त्रबाट उम्मेदवार बनेका विशाल पौडेलले ६९ मत प्राप्त गरे । ८ सय ७२ मतदाता रहेको रामापुर क्याम्पसमा ६ सय ९६ मत खसेको थियो ।
त्यस्तै सचिवमा संयुक्त प्यानलका हिमनारायण पौडेलले ३ सय ३३ मत पाएर विजयी हुंदा नेबिसंघका विष्णु ढकालले ३ सय २६ मत मात्रै पाए । कोषाध्यक्षमा संयुक्त प्यानलकी मेलिना पुलामी मगरले ३ सय ५८ मत पाएर निर्वाचित हुँदा नेबिसंघका सुभाष पाण्डेले ३ सय ९ मत पाए ।
यस्तै सदस्यहरुमा संयुक्त प्यानलका सबै उम्मेदवार विजयी भएका छन् । जसमा सन्दिका बन्जाडे (३४५), अमृत विक (३४९), अमित थारु (३४०), आशिका काफ्ले (३५१) र मयंक कार्कीले (३७९) मत ल्याएर निर्वाचित भएका छन् ।
