देवदह । देवदह नगरपालिका वडा नं. ९ मा अखिल नेपाल महिला संघ (क्रान्तिकारी) को वडा अधिवेशन सम्पन्न भएको छ। लक्ष्मी सिग्देलको अध्यक्षता तथा प्रदेश सदस्य मोतिलाल ढकालको प्रमुख आतिथ्यतामा सम्पन्न अधिवेशनले १७ सदस्यीय वडा समिति चयन गरेको छ।
अधिवेशनबाट बिध्या श्रेष्ठको अध्यक्षतामा नयाँ समिति गठन गरिएको थियो भने उपाध्यक्ष गीता भुर्तेल, सचिव लिला कुमारी थारु, सहसचिव निर्मला काली थापा, कोषाध्यक्ष शारदा ढकाल, सदस्यहरू सरस्वती चौधरी, चन्दा बोहरा, भिखनी चौधरी, मञ्जु भुर्तेल, चन्दी चौधरी, इन्द्र कुमारी सुनार लगायत अन्य ६ जनालाई चयन गरिएको छ । यसैगरी, समितिमा ५ सदस्यीय सल्लाहकार समिति समेत गठन गरिएको छ।
कार्यक्रममा प्रमुख अतिथि नेपाल कम्युनिस्ट पार्टी (माओवादी केन्द्र) लुम्बिनी प्रदेश सदस्य मोतिलाल ढकाल रहेका थिए । नगर इन्चार्ज सुन्दरी गिरी, नगर अध्यक्ष दिपक न्यौपाने, नगर उपाध्यक्ष प्रेमकला ढकाल लगायतको उपस्थिति रहेको थियो।
अधिवेशनको प्रस्तावअनुसार नेकपा (माओवादी केन्द्र) द्वारा सञ्चालित दशवर्षे जनयुद्ध, जनआन्दोलन, मधेस आन्दोलन लगायत विभिन्न संघर्षमा सहादत प्राप्त गरेका सम्पूर्ण शहीदहरूप्रति श्रद्धाञ्जली अर्पण गरिएको थियो।
अधिवेशनमा उपस्थित नेताहरूले महिला अधिकार, सामाजिक न्याय, महिला हिंसाविरुद्धको अभियान, तथा पार्टी संगठन विस्तारका विषयमा जोड दिए ।
कार्यक्रमको समापन गर्दै नवनिर्वाचित अध्यक्ष बिध्या श्रेष्ठ ले महिला सशक्तीकरण र संगठनको बलियो संरचना निर्माण गर्ने प्रतिबद्धता व्यक्त गरिन्।
