featured photo: Darpanpost

दुर्गा प्रसाद काफ्ले।राष्ट्रिय स्वतन्त्र पार्टीका सभापति रवि लामिछाने माघ १९ गते कपिलवस्तु आउने भएका छन् । देशब्यापी भ्रमणमा रहेका पार्टी सभापति लामिछाने बाणगंगा नगरपालिकामा हुने आम सभालाई सम्बोधन गर्न कपिलवस्तु आउने भएका हुन् ।

रवि आउने भएपछि बुद्ध रंगशालामा खुला कार्यक्रमको तयारी भइरहेको एक नेताले दर्पण पोस्ट अनलाइन लाई जानकारी दिए । सभापति लामिछानेसंगै सांसद सुमना श्रेष्ठ लगायत कार्यक्रममा सहभागि हुने जनाइएको छ ।
लामिछाने यसअघि कपिलवस्तु आउने कार्यक्रम भए पनि अन्तिममा स्थगित भएको थियो । त्यस्तो अपर्झट केहि काम नपरेको खण्डमा रविको लागि १९ गतेको कार्यक्रम तय भइसकेको ती नेताले जानकारी दिए । मुलुकको वर्तमान स्थिति, पार्टीको गतिविधि र आफूबारे उठेका प्रश्नबारे लामिछानेले सम्बोधन गर्ने कार्यक्रम रहेको छ । सोही अवसरमा नगर कमिटीको सार्वजनीकिरण कार्यक्रम पनि राखिएको बताइएको छ । सभापति लामिछाने आउने कार्यक्रमलाई सफल बनाउने गरी लाग्न नेता कार्यकर्तालाई जिल्ला कमिटिले आग्रह गरेको छ ।