featured photo: Darpanpost

लुम्बिनी । पक्लिहवा कृषि क्याम्पसमा मित्रमणी अन्तरसन्त्रान्त खेल सप्ताह सुरू भएकाे छ । नेकपा माओवादी केन्द्र निकट अखिल क्रान्तिकारी क्याम्पस समिटीकाे आयाेजनमा सुरू भएकाे खेल सप्ताहकाे संगठनका केन्द्रीय महासचिव दिपेश पुनले उद्घाटन गरेका हुन । पुनले सम्पूर्ण जनताका छाेराछाेरीहरू अखिल क्रान्तिकारीमा जाेडिनु पर्ने बताए । अखिल क्रान्तिकारीमा गरिखाने बर्गका विद्यार्थीहरू रहेकाे भन्दै उनले भ्रष्ट्रचारीकाे भण्डाफाेर गर्न विद्यार्थीहरूलाई निर्देशन दिए । नेता पुनले दस बर्षे जनयुद्धका कारण देशमा गणतन्त्र स्थापना भएकाे उल्लेख गर्दै अखिल क्रान्तिकारीले गणतन्त्र सेनानी भएकाेमा गर्व गर्नु बताए ।

अखिल क्रान्तिकारीका केन्द्रीय सचिव स्याम राेकाले अनियमितता विरूद्ध आवाज उठाउन विद्यार्थीसंग आग्रह गरे । अखिल क्रान्तिकारीकाे केन्द्रीय कमिटीले विद्यार्थीमा जाने कुरामा जाेड दिएकाे उल्लेख गर्दै उनले अखिल क्रातिकारी हरेक विद्यार्थीमाझ पुग्नु पर्ने बताए । खेल सप्ताह अन्तरगत भलिबल, फुटबल लगायतका खेलहरू सञ्चालन हुने अखिल क्रान्तिकारी पक्लिहवा कृषि क्याम्पस कमिटीले जनाएकाे छ ।