featured photo: Darpanpost

कार्तिक १० । तमु ह्युल छोज धीं गुरुङ राष्ट्रिय परिषद् बुटवल उपमहानगर समितिको २६ औँ वार्षिक साधारण सभा तथा सम्मान कार्यक्रम सम्पन भएको छ । शनिबार महाज्ञान बौद्ध विहारमा भएको कार्यक्रममा बोल्दै तमु ह्युल छोज धीं गुरुङ राष्ट्रिय परिषद् रूपन्देही अध्यक्ष बिमला गुरूङले संस्कृति संरक्षण गर्न सबै एकजुट हुनु पर्नेमा जोड दिइन । पछिल्लो समय संस्कृति संरक्षणमा केही काम भएको भए पनि अपेक्षाकृत काम हुन नसकेको उनको भनाई थियो । मौलिक भाषा संस्कृति संरक्षण गर्न सके मात्रै पहिचान जोगिने उल्लेख गर्दै संस्कृति र परम्पराको बारेमा युवाहरूलाई प्रशिक्षण गर्नु पर्नेमा जोड दिइन ।

तमु युवा परिषद् लुम्बिनी प्रदेशका अध्यक्ष अर्जुन तमुले संस्कृति संरक्षण युवाहरूको काँधमा रहेको बताए । उनले युवाहरूलाई गुरूङ भाषा लिपिको बारेमा प्रशिक्षण दिन आग्रह समेत गरे । कार्यक्रममा संस्थाका निवर्तमान उपमहानगर समिति अध्यक्ष शेरबहादुर गुरुङ, तमु युवा परिषद लुम्बिनी प्रदेशका उपाध्यक्ष सुदिप बहादुर तमु, नगर बरिष्ठ उपाध्यक्ष उमा गुरुङ, दिपनगर ईकाइ अध्यक्ष रस बहादुर गुरुङ्ग लगायतले बोलेका थिए । कार्यक्रम संस्थाका कोषाध्यक्ष बसन्ती गुरुङले आर्थिक प्रतिवेदन पेश गरेको कार्यक्रम उपाध्यक्ष बीर बहादुर गुरुङको स्वागत र उमा गुरुङको सञ्चालनमा सम्पन्न भएको थियो ।