featured photo: Darpanpost

लुम्बिनी, मंसिर १ । लुम्बिनी विकास काेषले महानायक राजेश हमाल, प्रसिद्व गायिका आनी छोइङ डोल्मा तथा नेपाल प्रिमियर लिग (एनपिएल) क्रिकेट प्रतियोगितामा सहभागी हुने लुम्बिनी लायन्सकाे टाेलीलाई स्वागत गरेकाे छ। शनिबार लुम्बिनी लायन्सकाे अफिसियल जर्सी सार्वजनिकका गर्न बुद्वजन्मस्थल लुम्बिनी आएकाे टाेलीलाई काेषका काेषाध्यक्ष सिद्विचरण भट्टराईले स्वागत गरेका हुन ।
लुम्बिनी लायन्सका ब्राण्ड एम्बासडर महानायक हमाल,गायिका डोल्मा, क्लबका मालिक ईश्वर जिसी,लुम्बिनी लायन्सको मार्की खेलाडी नेपाली राष्ट्रिय क्रिकेट टोलीका कप्तान रोहितकुमार पौडेल सहित क्रिकेट खेलाडीहरूलाई खादा लगाएर स्वागत गरिएकाे हाे । टाेलीलाई काेषाध्यक्षसंगै काेषका बाेर्ड सदस्यहरू रामनरेश कहार, श्याम राेक्का, विश्वराज पाैडेल, बरिष्ठ निर्देशक ज्ञानिन राई, सुचना तथा जनसम्पर्क प्रमुख डा. हरिध्वज राई लगमयतले स्वागत गरेका हुन । टाेलीलाई शान्तिदीपमा स्वागत पश्चात् मायादेवि मन्दिर, पुष्करणी पाेखरी र अशाेक स्तम्भकाे भ्रमण गराईएकाे थियाे । सुचना जनसम्पर्क प्रमुख डा. राईले बुद्वजन्मस्थल लुम्बिनीकाे पुरातात्त्विक, धार्मिक र ऐतिहासिक पक्षबारे जानकारी गराएका थिए । यसैविच लुम्बिनी लायन्सकाे जर्सि सार्वजनिक गरिएकाे थियाे ।