दाङ । दाङ जिल्ला उद्योग वाणिज्य सङ्घको आयोजनामा आगामी फागुन २ गतेदेखि १८ गतेसम्म पर्यटन तथा कृषि महोत्सव मेला भव्य रूपमा सञ्चालन हुने भएको छ। दाङ जिल्लाको घोराही उपमहानगरपालिका- झिङ्गौरामा आयोजना गरिने यस महोत्सवले कृषि, पर्यटन, व्यापार तथा स्थानीय उत्पादनलाई प्रवर्द्धन गर्दै दाङको आर्थिक, सांस्कृतिक तथा सामाजिक विकासमा नयाँ उचाइ थप्ने विश्वास गरिएको छ। व्यापार, कृषि र पर्यटन प्रवर्द्धनको अभूतपूर्व अवसर यस महोत्सवमा स्थानीय उत्पादनदेखि अन्तर्राष्ट्रिय व्यापारिक प्रविधिसम्मको प्रदर्शन गरिने आयोजकले जनाएको छ। विभिन्न कृषि प्रविधि, आधुनिक यन्त्रहरू, जैविक उत्पादन, हस्तकला, लघु उद्योग, तथा नवीनतम प्रविधिको अवलोकन गर्न पाइनेछ। त्यस्तै, पर्यटन प्रवर्द्धनका लागि दाङका प्रमुख पर्यटकीय क्षेत्रहरूको प्रचारप्रसार गरिनुका साथै स्थानीय मौलिक संस्कृति झल्काउने कार्यक्रमहरू पनि प्रस्तुत गरिनेछ। व्यापारी, बुद्धिजीवी र संघसंस्थाहरूको साझा महोत्सव यो महोत्सव व्यापारी, बुद्धिजीवी, कृषक, संघसंस्थाहरू तथा आम नागरिकहरूका लागि एउटा महत्वपूर्ण अवसर बन्नेछ।
महोत्सवमा स्थानीय र राष्ट्रिय व्यापारीहरूले आआफ्ना उत्पादन तथा सेवाहरूको प्रदर्शन गर्नेछन् भने विभिन्न संघसंस्थाहरूले समाजमा प्रभाव पार्ने योजनाहरू प्रस्तुत गर्नेछन्। यसले स्थानीय उद्योग तथा व्यापारिक क्षेत्रमा नयाँ सम्भावनाहरू सिर्जना गर्ने अपेक्षा गरिएको छ। मनोरञ्जन, संस्कृति र स्वादको संगम पर्यटन तथा कृषि महोत्सव मेलालाई थप आकर्षक बनाउन लोकदोहोरी, नृत्य, आधुनिक सांगीतिक कार्यक्रम, नाटक प्रदर्शन, स्थानीय खेलकुद प्रतियोगिता, तथा बालबालिकाका मनोरञ्जनात्मक क्रियाकलापहरू राखिनेछन्। स्थानीय तथा राष्ट्रिय कलाकारहरूको धमाकेदार प्रस्तुति पनि रहनेछ, जसले दर्शकहरूलाई साँगीतिक माहोलमा रम्न प्रेरित गर्नेछ। त्यसैगरी, स्थानीय तथा राष्ट्रिय परिकारहरूको स्वाद लिने अवसर समेत महोत्सवमा हुनेछ। यहाँ दाङका परम्परागत तथा मौलिक परिकारहरू, जैविक खाद्य सामग्री, तथा विभिन्न स्वादिष्ट परिकारहरू स्वाद लिन पाइनेछ। स्थानीय तथा राष्ट्रिय स्तरमा विशेष चासो दाङको वाणिज्य, पर्यटन, कृषि, तथा उद्योग क्षेत्रलाई एकैसाथ प्रवर्द्धन गर्ने यो महोत्सव ऐतिहासिक हुने अपेक्षा गरिएको छ।
स्थानीय तथा राष्ट्रिय स्तरका व्यवसायी, उद्यमी, कृषक, नीति निर्माताहरू तथा सर्वसाधारणको ठुलो सहभागिता रहनेछ। यस महोत्सवलाई सफल बनाउन स्थानिय सरकार, विभिन्न संघसंस्था, सुरक्षा निकाय तथा स्वयंसेवी संगठनहरूको समेत सहकार्य रहनेछ। दाङ जिल्लालाई व्यापारिक, कृषि तथा पर्यटनको हबका रूपमा विकास गर्न यो महोत्सव कोशेढुंगा सावित हुने आयोजकहरूको विश्वास छ। स्थानीय अर्थतन्त्रमा टेवा पुर्याउने, नविनतम प्रविधिहरूलाई प्रोत्साहन गर्ने, तथा पर्यटन प्रवर्द्धन गर्ने यस महोत्सवको सफलताले दाङको पहिचानलाई राष्ट्रिय तथा अन्तर्राष्ट्रिय स्तरमा पुर्याउने लक्ष्य राखिएको छ। यस महोत्सवमा सबै दाङबासी, व्यापारी, बुद्धिजीवी, कृषक तथा संघसंस्थाहरूलाई उपस्थित भई यो ऐतिहासिक अवसरको साक्षी बन्न हार्दिक निमन्त्रणा छ।
