दाङ्ग । दाङ जिल्ला उद्योग वाणिज्य संघको आयोजनामा शुक्रबारदेखि घोराहीमा सुरु भएको ‘छैठौं कृषि, पर्यटन तथा व्यापार महोत्सव २०८१’ मा चर्चित कलाकारहरूको धमाकेदार प्रस्तुति सुरू भएको छ। महोत्सवको मुख्य उद्देश्य उद्योग, व्यापार, कृषि र पर्यटनको विकास गर्दै परनिर्भरता मुक्त अर्थतन्त्रको प्रवर्धन गर्नु हो।
महोत्सवको दोस्रो दिन शनिवारमा राष्ट्रिय र स्थानीय कलाकारहरूको आकर्षक प्रस्तुति प्रस्तुत रहेको थियो। चर्चित गायक राजनराज शिवाकोटी, गायिका रीता केसीले गीतहरू प्रस्तुत गर्दै दर्शकलाई नचाएका थिए ।
महोत्सवमा आगामी आइतवार प्रकाश दुतराज, रीता थापा, चन्द्र शर्मा, घनश्याम केसी लगायतका कलाकारहरूको प्रस्तुति रहने आयोजकले जानकारी दिइएको छन् । महोत्सवको आयोजनाले दाङ जिल्लाको सांस्कृतिक र आर्थिक क्षेत्रको प्रवर्धनमा महत्वपूर्ण भूमिका खेल्ने अपेक्षा गरिएको छ।
