राष्ट्रिय तथ्याङ्क संस्थानले जारी गरेको अन्तिम तथ्याङ्कअनुसार इटालीको वार्षिक मुद्रास्फीति दर फेब्रुअरीमा १.६ प्रतिशतले बढेर अक्टोबर २०२३ पछिको उच्चतम स्तरमा पुगेको छ । यद्यपि यो तथ्याङ्क फेब्रुअरीको अन्त्यमा जारी गरिएको १.७ प्रतिशतको प्रारम्भिक अनुमानभन्दा थोरै कम थियो । यसले जनवरीको १.५ प्रतिशत मुद्रास्फीति दरबाट वृद्धि भएको देखाएको छ । जसले उपभोक्ता मूल्यमा निरन्तर वृद्धिको प्रवृत्तिलाई प्रतिविम्वित गर्दछ । इटालीले गत वर्ष तुलनात्मक रूपमा मध्यम मुद्रास्फीति अनुभव गरेको छ । २०२४ को पहिलो दस महिनामध्ये सात महिनाको लागि मूल्य वृद्धि १ प्रतिशतभन्दा कम रह्यो ।
फेब्रुअरीको मूल्य वृद्धिको मुख्य कारण ऊर्जा लागतमा वृद्धि र खाद्यान्नको मूल्यमा वृद्धिलाई श्रेय दिएको छ । नियमित ऊर्जा मूल्यहरू वर्ष–दर–वर्ष ३१.४ प्रतिशतले बढेको छ । जुन जनवरीमा २७.५ प्रतिशतले वृद्धि भएको थियो । यसैबीच प्रशोधित र अप्रशोधित खाद्य वस्तुहरूको मूल्य पनि बढेको छ । जुन अघिल्लो महिनामा १.७ प्रतिशत र २.२ प्रतिशतको तुलनामा क्रमशः १.९ प्रतिशत र २.९ प्रतिशतले बढेको छ । हालैका वृद्धिहरूको बावजुद, इटालीको मुद्रास्फीति दर २७ सदस्यीय युरोपेली संघ र २० राष्ट्रहरूको युरोजोन दुवैको औसतभन्दा कम रहेको छ ।
