तिलोत्तमा । महिला हिंसा विरुद्ध कानुनी सचेतना अभिवृद्धि गर्ने उद्देश्यले खुशी जीवन नेपाल द्वारा सञ्चालित “मिशन नारी” कार्यक्रमअन्तर्गत एकदिने कानुनी सचेतना कार्यक्रम सम्पन्न भएको छ।
तिलोत्तमा नगरपालिका वडा नं. ३ स्थित शिव पञ्चायन मन्दिर प्राङ्गणमा सम्पन्न उक्त कार्यक्रममा महिला हिंसा, घरेलु हिंसा, वैवाहिक बलात्कार लगायतका अपराधसँग सम्बन्धित कानुनी प्रावधान तथा कानुनी उपचारका प्रक्रिया बारेमा जानकारी प्रदान गरिएको थियो। तुलसीपुर मेट्रो कलेजकी छैठौं सेमेस्टरमा अध्ययनरत विद्यार्थी रञ्जना कामीले प्रशिक्षण दिएकी थिइन्।
कार्यक्रममा स्थानीयबासी तथा विभिन्न संघसंस्थाका पदाधिकारीहरूको उपस्थिति रहेको थियो। खुशी जीवन नेपालका अध्यक्ष महेन्द्र विश्वकर्माले “मिशन नारी” कार्यक्रम अन्तर्गत आगामी दिनमा पनि विभिन्न सचेतनामूलक कार्यक्रमहरू सञ्चालन गरिने जानकारी गराउनुभयो।
